رحلة وادي الحوت

البرنامج :

- بنتحرك من القاهرة على الساعة العاشرة صباحا من العباسية ومن ميدان الرماية بالجيزة على الساعة العاشرة ونصف صباحا

بنوصل محمية وادى الحيتان على الساعة الثانية ظهرا فى المتوسط .. ونبدأ نزور المتحف المغلق بمحمية وادى الحيتان وجواه بنتفرج على حفريات حيتان منقرضة بقالها اكتر من 45 مليون سنه وبنسمع شرح مسبط عن تطور الحيتانيات.

- بنخلص المتحف على الساعة 2 ونص وبنحدد مكان المخيم بتاعنا وبنحط كل أدواتنا فيه وبيكون فى فترة راحة لحد الساعة اربعة ونص عصرا

- بنتحرك على الساعة اربعة ونص العصر لزيارة المتحف المفتوح وفيه بنشوف حفريات للحيتان المنقرضة فى الصحراء المفتوحة

- على الساعة السادسة مساءا بيكون وقت الغدا بتاعنا وفيه بناكل ( فراخ مشوية، ارز، بطاطس، سلطة ) والأكل بيتم تحضيره فى المخيم بتاعنا فبيكون سخن وطازة

- مابين الساعة السابعة للساعة 10 مساءا بيكون برنامجنا الفلكى والتصوير الفلكى مع ذراع المجرة (أحد اروع المناظر فى سماء الصيف) وبرنامجنا الفلكى بيكون محاضرة ثقيله ودسمه وبنكون مستنين كل اسئلتكم عن الرصد الفلكى والفضاء بشكل تفاعلى وكمان بيكون فى رصد باستخدام تلسكوب فلكى .. و بنتعلم عملى كيفية تحديد المجموعات النجمية ونجم الشمال وبنتصور مع النجوم باستخدام كاميرات حديثة فى التصوير الفلكى.

- بعد الساعة العاشرة بنولع نار وبنشرب شاى بدوى وبنعمل سهرة بدويه لحد الساعة 12 بليل .. ومن بعد 12 بليل بيكون وقت حر لأى شخص اللى يحب يريح بعد يوم طويل او يحب يتأمل فى السماء اثناء نومه خارج الخيمه .. كل حد فينا يقدر يعمل اللى يحبه.

- بنصحى على الساعة 4 ونص الفجر ونبدأ نستعد للتحرك من المحمية وبيكون الفطار بتاعنا جاهز واللى بيكون عبارة عن (فطير ساخن، جبن، بيض، فول).

- الساعة خمسة ونص الفجر بحد اقصى بنبدأ التحرك من المحمية لزيارة و تسلق جبل المدورة لروئية الماجيك لايك وبحيرة موريس .. بنوصل لجبل المدورة على الساعة 6 ونصف بحد اقصى وبتمستمر زيارتنا لية لمدة 45 دقيقة وبعدين بنتحرك للعودة للقاهرة وبنوصل القاهرة على الساعة العاشرة صباحا فى المتوسط.